bullying

2009-01-11T13:58:00.000-08:00

Bideo honetan ikusi ahal dozuenez eskoletan dauden arazoak argi ikus daitezke.

BULLYING-ari buruz informazio gehiago edukitzeko, orrialde interesgarri honetan sar zaitezke: Bullyonline
Ingelesez da orrialdea, baina google-rekin gazteleratu dut.

Powert-point

2009-01-11T11:55:00.000-08:00

Powert point hau nik egin dut, espero dot, baliagarria izatea, eta horrekin batera interesgarria ere.
Amaieran bideoa dago baina hitzak ez direnez apreziatzen, zatitan banatu behar izan dot.
TIM FIELD bullyingari buruzko idazlea

Teknologia berrien parte hartzea

2009-01-11T02:40:00.001-08:00

Gaur egun teknologia anitzak ditugu etxean, eskolan… edozein lekutan, agian horregatik bullying hitza gero eta gehiago entzuten dugu. Lehen, aldiz, ere emango zen, baina ez zuen orain bezalako garrantzia. Alde batetik, orain gizarteak ikusteko erraztasun handiagoak ditu (tb, irratia, aldizkariak…), bestetik, gizartea gero eta zurrunagoa bihurtzen ari da, lehen garrantzi handiko gauzak orain pisua galtzen hasi dute eta alderantziz.

Teknologiei erreferituz, argazki honetan ikusten denari buruz arituko naiz. Argazkian, erasotzaile, biktima bat eta beste lagun bat ikus daiteke. Biktimak erasotzailearengandik kolpeak jasotzen ari den bitartean, hirugarren honek bere mugikorrarekin grabatzen ari da eszena hura. Askotan, telebistan honako kasuak erakutsi dizkigute, errealitatean gertatu direlako. Orain umeak horrela dibertitzen dira ala? Horrelako galderak entzuten dizkiet nire gurasoei, nire amamei… Nire ustez, orain tresna berri batzuk erabiltzen dituztela izango litzateke erantzuna, gero gainera, biktimaren poztasunerako interneten eskegiz. Baina, lehen eta orain biktimek eraso berdinak jasotzen dituztela seguru nago, denborak hori ez duelakoan aldatuko nago eta. Gauza bat da biktimak jasotzen dituen erasoak eta beste bat gizarteak ikustera edo eraso horren berri izatera edukitzea.

"De tal palo tal astilla"

2009-01-09T14:22:00.000-08:00

Atzo gabean “Sin tetas no hay paraiso” ikusten egon nintzen, eta seriearen amaieran zerbait aipatu zuten, non, hemen, nire blogean zerbait idazteko etorri zitzaidan burura. Kapituluaren bukaeran Dukek (narkotrafikatzaile bat) azaltzen du, nola txikitan bere aitarengandik erasoak jasotzen zituen, eta bere amarengandik ez zuen maitasunik jasotzen. Horrek, bere bizitza beste bide batetik bideratzera eraman zuen, kasu honetan drogak saltzera, eta mundu horretan sartzen.

Beste kasu batzuk ere badaude, honen antzekoak, eta askok etxean ikusten dutenaren araberakoak dira gehienetan. Zeren eta, etxean ikusten dugun guztia, edo nagusienetatik jasotzen duguna azkenean guk beraiek imitatzera eramaten gaituzte. Gazteleraz esaten den bezala “ojos que no ven, corazón que no siente”.

Adibidez, argazki honek ere, kasu hau erakusten digu:

Irakaskuntzaren aldaketak eragina du?

2009-01-04T14:52:00.000-08:00

Hemen daukagu egunkaritik ateratako artikulu bat:

Artikulu azken honek hezkuntza nola aldatu den hitz egiten du, gure arbasoek
izan zuten hezkuntza edo eskola bizitza, nik jaso eta praktikumean izan nuenarekin konparatuz oso ezberdina da. Garai eta gizarteko antolamendu aldaketa nabaria izan da. Orain dela 50 urte lan munduan sartzeko ez zen ikasketa berezirik behar eta gaur egun funtsezkoa da. Irakaskuntza eta eskolak garatu egin dira, ofizioak zehaztu egin dira, bizitza guztiz aldatu da.

Nire ustez, artikulu honekin bat etorriz, eskolak indar handia hartu du baina era berean errespetua galdu zaio. Antzina irakaskuntza gogorragoa zen. Orain agian gehiago exijituko da baina ikasi nahi ez duenak ere, eskolara joan behar du eta hori lehen ez zen gertatzen. Irakasleak lehen zeukan errespetu serio hura galdu du, ikasleek beldurra eta errespetua zioten irakasleari, orain askotan ez zaio serio hartzen. Agian, antzina irakasleak ikaslea jotzen zuelako izango zen eta gaur egun hori ezinezkoa, delitua bihurtu denez ez da berdin ikusten.
Azken finean, aspektu guztiak bezala denborak hezkuntza aldatu du. garapenak onura eta aurrerapena ekarri du ezagutza arloan baina garai bateko eskolak ere errespetua merezi du eta ahalegina goraipatu beharra dugu. gerra eta diktadura garaiak oso gogorrak ziren eta hala ere, eskolak indarrean jarraitu zuen. Aurreko eskola eta irakasleen esfortzuari esker lortu dugu gaur egungo hezkuntza garatua.

Eskola porrota eragiten duten faktoreak

2009-01-01T11:41:00.000-08:00

Eskola porrotan eragiten duten faktore nagusiak hauek izan daitezke:

-Adimen faktoreak: haurrek ulermenezko irakurketarako maila baxuak dituztenean, hizkuntza urriarekin eta irakurketarako ohitura ezarekin batera.

-Motibaziozko faktoreak: ikasteko jarrera positiboa existitzen ez denean. Esfortzu eza: behar baino denbora gutxiago erabiltzen denean etxeko lanak egiteko, kontzentrazio eta ulermen maila gutxiagorekin.

-Faktore organikoak: eskolara egunero joaten uzten dion gaixotasun fisikoak.

-Faktore emozionalak: seme-alabak gehiegi babesteak eta afektibitate ezak eskola errendimendu baxua eta horien izaeraren gorabeherak sor ditzake.

-Teknika eza eta ikasteko ohiturak: haurrek nola ikasi jakin behar dute eta horretarako ikasketa teknikak egoki erabili behar dituzte horretarako une eta toki egokietan.

-Kanpo faktoreak: telebista gaizki erabili, bideojokoak eta kontsolak.

Eskola-porrota, zer jakin behar dute familiek?

2009-01-01T11:35:00.000-08:00

Eskola porrota prebenitzeko edo egoera horretarako prest egoteko haurra etxera nota txarrak ekartzen hasten denean, familiek honako alderdi garrantzitsuak kontuan izan behar dituzte:

-Familiaren papera lehentasunezkoa da. Eskolako irakasleekin kolaboratu behar da, izan ere, familien eta irakasleen arteko lana oinarrizkoa da egoera horri aurre egiteko. Gainera, haurrak eskolan egiten duenaz eta eguneroko etxeko lanak egiteaz arduratu behar dute gurasoek.

-Batzuetan onartu behar da seme-alabak zailtasunak dituela.

-Adierazi behar zaio bera izateagatik maite duela eta ez bere lorpenengatik. Kontuz ibili behar dugu bere etxeko lanak geuk egitearen akatsarekin, laguntzen ari garelakoan.

-Bere buruarenganako konfiantza sustatu: zerbati galdetzen dutenean, konponbide bat elkarrekin bilatzea proposatu , erabakiak hartzen eta erantzukizunak barneratzen utziz.

-Ez konparatu familiako veste senitartekoekin.

-Koherente izan, irakurtzeko eskatzen badiogu, guk ere irakurri behar dugu.

-Ez igorri mezu negatiborik, esaterako: “ez duzu balio”, “ikasle txarra zara”, etab. Bestalde, ver lorpenak goraipatu nahiz eta oso txikiak izan, ez da festa bat egin behar, gaoraipamenak edo maitasunezko keinu bat nahikoa da.

-Garrantzitsuena ondo sentiaraztea eta konfiantza eta segurtasuna igortzea da.

-Ez mehatxatu beteko ez diren zigorrekin. Saiatu beti akordioetara edo itunetara iristen.

-Eguneroko ikasketa ohitura batzuk antolatu eta burutu. Denbora tarte bat aukeratu etxeko-lanak egiteko eta beste bat atsedena hartzeko.

Eskola-porrota

2008-12-31T04:52:00.000-08:00

Eskola-porrotaren zifrak urtetik urtera beldurgarriagoak dira geure artean. Duela gutxi kaleratutako inkesta batek dioenez, Derrigorrezko Bigarren Hezkuntzako (DBHko) laugarren urtea gainditzea lortzen ez duten ikasleak %31,9 dira, zifra altua benetan. Zer egin dezakegu gisa horretako egoera baten aurrean? Eta, hobeto oraindik, ba ote da horrelako egoerak ez gertatzeko gurasook egin dezakegun zerbait?

Honen inguruan informazio gehiago aurrerago jarriko dut, baina hala ere, sar zaitezke:

http://www.zientzia.net/artikulua.asp?Artik_kod=6549

Familia eta eskolaren artean, heziketarako panorama ezarri behar da, honako hauetan oinarritua:

2008-12-30T14:24:00.000-08:00

-Erantzukizun pertsonala: Bakoitza bere ekintzen erantzule da, sistematikoki besteri errua bota gabe.

-Harreman sozialak:Mundu honetan bakarrik ez gaudela sentiarazi behar digute.

-Legearen inperioa: Elkarrekin bizi izatea erabaki duten guztiek ezarri, ezagutu eta onartzen dituzten arauen errespetua.

-Komunikazioa: Norbere espresio eta entzumenaren ariketa zentzuzkoan oinarritua. Besteei ulertzea errazteko eta arazoak hitzez adierazi eta ekintza eta erreakzioa atzeratu ahal izateko.

Haur eta gazteekin lan egiteko lak erabil ditzakeen ardatzak:

2008-12-28T15:04:00.000-08:00

-Erantzukizun pertsonala: Indartu beharreko kualitatea da: bakoitza bere ekintzen erantzule osoa izatea da, aitzakiarik gabe eta "errua besteena izan da" esan gabe.

-Harreman sozialak: Gizarterako egindako izakiak garela ulertarazi behar dute; munduan ez gaude bakarrik eta besteekin ondo konpontzeko beharra dugu.

-Arauak errespetatu egin behar dira: Norbere askatasunaren ezinbesteko mugarritze gisa onartu behar dira arauak.

-Komunikazioa: Adierazpen pertsonalean eta besteri entzuteko gaitasunean oinarrituta, indarkeriazko jarrerak gelditu egiten ditu. Komunikatzen jakiteak lagundu egingo die espresatzen, sentitzen dutena ulertarazten eta hobetu egiten du beren buruaren estima.

Zer egin?

2008-12-28T14:49:00.001-08:00

-Familiak eta eskolak, agintariek eta gizarteak berak ere, behar den seriotasun eta erantzukizunez heldu behar diote gaiari.

-Tolerantziaren pedagogia, elkarbizitza baketsua eta errespetua bultzatu behar lituzketen ildoak elkarbizitzaren etikan dute abiapuntua, sozializaziorako hezteko, lankidetza, zentzu intelektuala (gogoetako jokaerak) eta frustraziorako heziketaren bidez.

-Haur batek 2 edo 3 urte dituenetik, inguruan jarraibide batzuk daudela sentitu eta jakin behar du, bere apeta guztiak betetzea ezinezko dela eta zenbait behar asetzeko ere, itxoin egin beharko duela.

-Ondasunak beste haur batzuekin banatzen erakutsi beharko diegu; horrek zapuztu egingo ditu sarri, baina hori onartzeko ere hezi egin behar dira. Familiako eta eskolako heziketak sendoa izan behar du: dena ezin da.

- Ezetza onartzen jakin behar dute eta zergatia galdetzen. Eta ez zaio onartu behar desberdina denari (beste arraza batekoa, itxura berezikoa edo itsusia denari; lotsati, betaurreko edo protesidun, "aulkibero" edo gaizki jantziari) burla egin edo errespeturik ez izatea.

-Familian eta eskolan, gizarteko balioak landu behar dira, gauzak konpartitzean, pertsonen aniztasunaren errespetuan eta haur eta gazteen behar eta gogoak atzeratzean oinarrituak.

-Horregatik, ezinbestekoa da eskolak gurasoen babes osoa izatea eta seme-alaben aurrean ez zaie irakasleei arrazoirik kendu behar; irakaslearen erabakiren batekin edo pedagogiarekin bat etorri ez arren.

-Inork ez luke onartuko, eta gutxiago bereganatuko, prestigio eta sinesgarritasunik gabeko entitate batek proposaturiko balorerik.

-Irakasleei ere, erakundeen aldetik behar adina babes izatea komeniko litzaieke, jarrera antisozialen aurrean hartzen dituzten erabakietan gurasoek eta heziketa arloko agintaritzak babes ditzaten.

Indarkeria, seinalea besterik ez?

2008-12-23T10:49:00.000-08:00

-Indarkeriazko ekintzak edalontziari gainezka eragiten dion tanta da; arazoa aurretiazkoa izaten da gehienetan.

-Batzuetan, haurrak "zeinu" nabarmenak ematen ditu (lapurreta bat, borroka batean zaurituak eragin, gurasoei, ikaskideren bati edo irakasleei eraso eginez) eta arazoa sortzen da, dagoeneko saihets ezina.

-"Mezuak" erantzuna eskatzen du. Gurasoena ezinbestekoa da, zigorra besterik ez bada ere. Ezer ez egitea baino hobe da.

-Bihurrialdian dagoen eta jokaera arbuiagarrien bidez komunikatzen den nerabearentzat, esan gabe geratu diren hitzak dira bere ekintzak, egoeraren aurrean duen iritzia.

-Horregatik, isiltasuna eta ezikusi egitea da txarrena.

-Ez da arrazoirik gabeko errebelderik eta bere portaeraren atzean sentimenduak adierazteko premia ezkutatzen da: ez da eroso sentitzen eta besteentzat eramangarri edo zoriontsu den bizitzarekin egiten du topo behin eta berriz.

-Eta, desesperaturik, laguntza eskatzeko edo, gutxienez, arreta erakartzeko seinaleak ematen ditu. Jokaera horiek ez dira haur soziopatikoaren portaerak. Azken horrek zailtasunak izango ditu ona eta txarra, zuzena eta onartezina bereizteko.

-Gizartearen kontrako izaera kronikoa duenez, ez du bere ekintzen ondorioetatik ikasten.

-Kasu arraroak dira, baina edozein familiatan gerta daitezke.

Diziplinarik eza eta indarkeria ikastetxean eta ikasgelan erakusten digu grafiko honek.

Indarkeria zergatik?

2008-12-22T09:20:00.000-08:00

-Agresibitatea gizakiaren berezko sena da eta badirudi indarkeria dela (psikologikoa edo fisikoa) nahi duguna lortzeko biderik azkarrena. Edozein modutan ere, edozeinek izan dezake erreakzio primitiboren bat, agresibitatezkoa, bere eremua defendatzeko. Eta behin eta berriz errepikatzen direnean, portaera bihurtzen dira erreakzio horiek.

-Horrela, bada, haur eta gazteak indarkeriazko mundu batean jaio eta hazten dira. Eta ez gara gerra eta eraso fisikoez bakarrik ari. Haurrengan gehien sartzen den indarkeria mota bizitza estilo bat da (familia, eskola eta kalea "bustitzen" dituena) eta kontrola eta segurtasuna bihurtzen da balore gorena.

-Norberaren defentsa eta nork bere eremua defendatzeko arantzazko hesiak jartzea dira horren lekuko.

- Indarkeriazko jarrerak, azken batean, oso ondo errotzen dira gizarte lehiakor honetan, irtenbide indibidualak aldarrikatu eta pertsonen dimentsio soziala bultzatzea ahaztu egiten baita.

-Gehienetan, lagun talde batekin eta bat-batean egiten dira bihurrikeriak. Araua urratzen duena garrantzitsu sentitzen da eta lagunek miretsi egiten dutela ikusten du.

-Eta ekintza bera estimulagarria da: haurrak edo gazteak badaki gurasoek ez dutela bere jokaera ontzat emango, baina horrek emozio pittin bat erantsi baino ez dio egiten. Lagunen onarpena da garrantzitsuena; horixe da saria eta merezi du zigorraren arriskua.

-Bandalismo eta indarkeria kasu arinak haur eta gazteen garapen normala osatzen dute eta independente, bihurri eta bere lagunen taldeko kide sentitzeko beharretik datoz.

-Uler dezagun: ekintza horiek eragiten dituzten sentimenduak unibertsalak dira.

-Gizabanako gisa identifikatzea eta talde bateko kide gisa sendotzea bilatzen dute haurrek.

-Beste kasu batzuetan, mendekua hartu nahi izaten dute bidegabe jotzen dituzten ekintzen aurrean; ekintza horiek agintaritzagandik datoz: guraso, irakasle, polizia eta abarrengandik.

Umearentzat egoerarik bidegabeena "ikusezin" sentiarazten duena da; kontuan hartu ez edo lorpenak aitortzen ez zaizkiela sentitzea.

-Gutxi balio dutela sentiarazten zaien giroan hazitako haur asko taldeak eskatzen dien edozer egiteko gai dira (familian tolerantzia handiegia dutelako).

-Taldearen onarpena izateko beharrak portaera antisoziala izatera bultza dezake, nerabezaroan batez ere: orientaziorik ezaren erdian, taldeko kide sentitzea da garrantzitsuena (eta, batzuetan, horixe besterik ez da aukeratzen).

Mehatxu motak :

2008-12-21T06:04:00.000-08:00

Mehatxua izan daiteke:

Fisikoa:

-kolpeatu

-jo

-norbait bultzatu edo mehatxatu

Ahozkoa:

-ezizenak jarri

-burla egin

-iraindu

Soziala:

-norbaitekin hitz egitera ukatzea

-txutxu-mutxuak eta gerruzak zabaltzea

-norbaiti ez duen gauza bat egin nahi egitera behartzea

Gizonezkoek mehatxu fisikoek erabiltzen dute gehienbat, eta honekin batera, beraien biktimen generoa zein den berdin zaie.

Aldiz, emakumezkoen arteko mehatxuak ahozkoak dira, eta normalean, beraien objetiboa beste neskato bat izaten da.

Gazteen indarkeria: Ez da arrazoirik gabeko errebelderik

2008-12-18T09:57:00.000-08:00

Gazteen indarkeria Espainian ez da beste herrialde batzuetan bezain dramatikoa, beste leku batzuetako estatistikak erakusten digute han arazo larriagoan daudela. Hala ere, guk ere arazo pisudun eta garrantzitsu bat daukagu eskuen artean eta guk irakasleok erantzukizun handia.
Estatistikak diotenez, duela bi urte 534 ikastetxe publikotan, inkestatuen %80 ak (ikasleak eta irakasleak) kezkatuta azaldu ziren ikastetxeetako disziplinarik eza eta errespetu faltagatik.
Gainera, %60 ak azken hiru urteetan bere ikastetxean ikasleen erasoak gertatu direla aitortu zuten.
Holandaren kasuan, esate baterako, nire ustez, alarmatzekoa da, %25ek adierazi baitzuten indarkeriazko ekintzak egin zizkietela beste ikasle batzuek (bai indarkeria sistematikoa, zein fisikoa, edo sexu erasoak ere izan daitezke edo psikologikoak).
Baina, gazteen artean badago beste indarkeria mota bat, bortxa, sufrimendua eta beldurra. Azalpenik gabeko portaera horien erru handia telebistak, bideojokoak, zineak, musika mota jakin batzuek eta abarrek dute, umeek telebistaren aurrean denbora asko ematen dute, eta gurasoek beraien adinerako aproposak ez diren joko asko erosten dizkie bideo-kontsolarekin jolasteko. Hala ere, ez diegu erru guztia esparru hauei bota behar, nahiz eta, medio hauek askotan goraipenez agresibitatea eta indarkeria jorratzen dituzten.

Power point

2008-12-18T03:25:00.000-08:00

Hemen daukagu bullingari buruzko power point bat internetetik atarata, honek bullinga askoz ere hobeto ezagutzen lagunduko digu, oso ulerkor baitago.

View SlideShare presentation or Upload your own.

Modan?

2008-12-15T12:48:00.000-08:00

Bullying hitza azkenaldian komunikabide guztietan entzuten dugu, eta horregatik gizartean interesa piztu du, eta hezkuntza arloan ardura handia.

Gainera, azterlanek ondorioztatu dute ikastetxe jakin batzuei edo gizarte-maila jakin batzuei lotutako arazoa dela, eta guztietan gertatzen daneurri handi edo txikiagoan.

Beraz, guk irakasleok, eta hezitzaileek baita ere ikasleen sufrimendu hau eragotzi nahi badugu, arazoari aurre egiteko obligazio profesionala dugu. Ez da adituen gai bat, hezitzaileena baizik.

Aurreko arrazoiak ikusirik eta irakasleei kasu horiek balioztatu eta horietan esku hartzeko erreferentzia eta irizpide batzuk emateko helburuarekin idazten dut hau.

Bertan esku hartzeko beharra definitu eta argudiatu, detektatzeko adierazle batzuk aurkeztu eta esku hartzeko jarraibide batzuk eskainiko ditut aurrerantzean.

Adibidez, 2005eko irailaren 25ean Hondarribian mutiko batek bere buruaz beste egin zuen bullying-a dela eta. Jokin izeneko mutikoa, 14 urte besterik ez zituen, eta DBH 4 burutzen ari zen. Baina, bere inguruko ikaskideengatik 2 urtez tratu txarrak jaso zituen (bai fisiko zein psikologikoak).

Kasu honek, jendea alarmatu zuen berehala, baina kasu gehiago ere baditugu, non irakasleek eta ikaskideek biek, ikusleak diren, eta ez batak ez besteak ez duen ezer egiten beldurragatik.

Beraz, nik ez dut uste modan dagoenik, baizik eta, orain garrantzi handiagoa ematen zaiola, baina azken finean, merezi duena baino ez!

Zer da bulling-a?

2008-12-14T06:12:00.001-08:00

Umeen arteko tratu txarrak daudenean bullyinga dagoela esaten dugu, ikasle batek denbora guztian, behin eta berriz, irainak, larderia psikologikoa, gizarte-bazterkeria eta/edo oldarkortasun fisikoa bezalako ekintzak bere eskolakidedeen batengandik jasaten dituenean, horrela bullying-aren biktima bihurtzen da.
Bullyingaz hitz egingo dugu honako baldintzak gertatzen direnean:
-Menderatze-mendetasun erlazioa dago; erlazio horretan bat erasotzailea izango da, eta bestea biktima.
-Erasoak denbora luzez eta behin eta berriz gertatzen direnean.
Indarkeriazko ekintza guztiak ez dira bullyinga adibidez:
-Diziplina-eza.
-Gela barruko eta kanpoko aztoramena.
-Berdinen arteko borrokak.
-Lagun-aldaketak eta hausturak.
-Altzarien aurkako indarkeriazko jarrera.

Sarrera

2008-11-13T00:51:00.000-08:00

Hello babys!! Nire izena Nerea da eta blog honetan bulling-az arituko naiz interes handiko gaia dela uste dudalako eta pertsona hauen mundua, pentsamenduak eta ikuspuntuak zeintzuk diren hobeto ezagutzeko aukera aproposa dela uste dudalako.

Lehendabizi, esan beharra dut, blog honetan nire iritzia plazaratzen ahaleginduko naizela eta zuen iritzia ere konpartitzea espero dudala, anonimoa edo ez izanez.

Gainera, edonolako galdera edo dudarik izanez gero, bota ezazue, konpromesurik gabe, nik erantzuten saiatuko naz eta, dudarik gabe!

Tratatuko dudan gai hau, hezkuntza sisteman, hau da, eskoletan bertan aurki dezakegu edozein momentutan eta edozein adineko pertsonen artean. Beraz, nire helburua, blog honen bitartez, zera izango da, mundu hau apur bat gehiago ezagutzea eta horrez gain, arazo honi aurre egiteko irtenbide posibleak bilatzea.